నానావళి ప్రశ్నలకు సాయి బాబా సమాధానాలు

సాయి ఒకసారి భక్తులతో కలిసి ద్వారకామాయి ముందు వేప చెట్టు క్రింద  రాయిపై కూర్చున్నాడు .
మహాల్సాపతి , నానా చందోర్కర్ , భాయిజాభాయి , శ్యామ తదితరులందరూ  ఆసక్తిగా బాబా ఏమి చెప్తాడ అని ఎదురుచూస్తున్నారు . బాబా ధ్యానంలో ఉన్నారు , గాలిలో  లెక్కలు వేస్తున్నారు అదే సమయంలో గట్టిగ ఎవరో " ఏయ్ పకీర్ " అని అన్నారు.
భక్తులంత ఆశ్చర్యంతో చూస్తున్నారు . బాబా అపుడే కళ్ళు తెరిచారు ఎదురుగా నానావళి , చింపిరి జుట్టు , భుజంపై  మాసిన గొంగలి , పెరిగిన గడ్డం , కళ్ళు మాత్రం కాంతివంతంగా మెరుస్తున్నాయి .
బాబా వైపు నలుగు అడుగులు ముందుగ వేసి  " కైలాసంలో శివుడిలా  ఆనందిస్తున్నావ్ ? వీళ్ళంతా నీ ప్రమధగణాలు  అనుకుంటున్నావా ? అని అన్నాడు .

సాయి బాబా చిన్నగా నవ్వి " సాధన చేస్తే ఎవరు అయిన  శివుడే , అతన్ని నమ్ముకున్నవారు అంతా ప్రమద  గణాలే నానా అని అన్నారు .

నానావళి మరో రెండు అడుగులు ముందుకు వచ్చి " నీతులు చెప్తున్నావ్ ?? జ్ఞానివి అనుకుంటున్నావా  ?? అని అరిచినట్టు అన్నాడు నానావళి .
సాయిబాబా ప్రశాంతంగా " శాస్త్ర జ్ఞానం ఉన్నవాడు జ్ఞాని , అత్మానుభవం పొందినవాడు అత్మజ్ఞాని , మాయకు అతీతులైన వారు మహా జ్ఞాని , ఈ మూడింటికి అతీతమైనది ' సోహం ' అంటే శూన్యం . ఆ శున్యమే చిదానందం , అదే పరమాత్మ " అని అన్నాడు .

అక్కడ ఉన్నవారంత సాయి వైపు , నానావళి వైపు ఆశ్చర్యంగా చూస్తు వారి మధ్య జరుగుతున్న మాటల యుద్దాన్ని ఆసక్తికర సన్నివేశాన్ని  చేష్టలు ఉడిగిపోయి చూస్తున్నారు .

నానా : ఇంతకి నువ్వు గురువువా ? దైవానివా ? లేక పకీరువా ?

బాబా : ' జీవో బ్రహ్మవ నాపరః ' అన్నట్టు మనం అందరం దైవ స్వరుపులమే . తనలోని దైవ స్వరూపాన్ని గుర్తించడమే ఆత్మ సాక్షాత్కారమ్. ఇతరులు అది గుర్తించినపుడు వారు అయన్నీ  ' గురువుగా ' దైవంగా ఆరాధిస్తారు . నామభేదాలకు , స్వరూప భేదాలకు అతీతమైనది గురువు రూపం .

నానా : నువ్వు శాస్త్రజ్ఞుడివా  ? వేదాంతివా ...?

బాబా :  శాస్త్రం కళ్ళ ముందు కనపడుతున్న ఎదుటి ప్రపంచాన్ని గురించి మాత్రమె చెపుతుంది . కాని వేదాంతం ఆ ప్రపంచాన్ని ఎవరు ? ఎలా ? ఎందుకు సృష్టించారో చెపుతుంది. శాస్త్రం  ప్రకృతి లోని రహస్యాలు మాత్రమే వివరిస్తే , వేదాంతం  ప్రపంచాన్ని దర్శించే వ్యక్తిలోని ప్రకృతిని సహితం వివరంగా వివరిస్తుంది . ఆ రెండూ ఒకదానికొకటి బలం . విడదీయాలని చూస్తే ' శూన్యం ' మిగులుతుంది . 

నానా  : దేవుడు ఒక్కడే అని అంతా అంటున్నప్పుడు ఇంతమంది దేవుల్లెందుకు ? ఇన్ని పూజలేందుకు ?

బాబా : ' ఏకం సత్ , విప్రాః  బహుధావదంతి ' అని వేదం చెపుతుంది. నోటిలోని వెళ్ళే నీరు , కడుపులోనికి వెళ్ళే పదార్థం ' ఒక్కటే ' కానీ దానికి ' నీరు ' అని, వాటర్ అని , తన్ని అని , వెళ్ళిం అని , పానీ  అని ఇలా ఎన్నో పేర్లతో పిలుస్తారు . తారతమ్యాలు పరమాత్మ  కల్పించినవి కావు . మనం మన అవసరాల కోసం , సౌకర్యాల కోసం  సృష్టించుకున్నవి , జీసస్ అన్నా  ' రామ్ రహీమ్ అన్నా ' దైవం ఒక్కరే . 

బాబా మాటలకు నానావళి   తత్తరపడ్డాడు , ఐన తమాయించుకుని .... 
నానా : చెట్టు ముందా ??? విత్తు ముందా ...???

బాబా : నానవాళి ని చిన్నపిల్లవాడిని చూసినట్టు చూసి  " నిజానికి చెట్టులో నుండి విత్తనం , విత్తనం లో నుండి చెట్టు వస్తాయి , కానీ చెట్టునుండి విత్తనాలు , విత్తనాల నుండి చెట్టు రావడం అనే పద్ధతి ఎవరో పెడితేనే కదా చెట్టు విత్తనం ఒకదానికొకటి సృష్టిస్తాయి , అందుకని  ఆ నియమం పెట్టిన ఆ పరమాత్మే అన్నింటికన్నా ముందు " అన్నాడు . 

ఆ మాటతో నానవలి కి చిర్రెతుకోచ్చి  దేవుడు అంతటా ఉన్నప్పుడు అందరికి ఎందుకు కనిపించడు ..??? అని అన్నాడు ... 

వారిద్దరి మద్య జరుగుతున్న సంబాషణని ఆసక్తిగా గమనిస్తున్న భక్త బృందంలో  ఆందోళన మొదలు ఐంది , సాయిబాబా కి ఎపుడు కోపం వస్తుందో తెలియదు . ఈ ప్రశ్నతో వీడి నానావళి పని ఐపోయింది  అనుకున్నారు . 

బాబా :  " సృష్టిలో  ఉన్నవన్నీ కనిపించాలంటే ఎలా కుదురుతుంది ?? నీ శరీరంలో నెత్తురు ప్రవహిస్తుంది . అది నీకు కనిపిస్తుందా ? నీలోని నీ గుండె , ఉపిరితిత్తులు , ప్రేగులు నువ్వు చుడగలుగుతున్నావా ?? అవి చూడాలంటే ఫలాన  యంత్రాల ద్వారా సాధ్యమని డాక్టర్లు చెప్తారు అలాగే అంతట ఉన్న దేవుడిని చూడాలంటే ఫలాన విధంగా ప్రయత్నించాలని గురువులు, ఋషులు చెపుతారు  " అని అన్నాడు ప్రశాంతంగా . 

నానా : ఎం చేస్తే దేవుడు కనపడుతాడు ..???

బాబా :  భూమి గుండ్రంగా ఉందని శాస్త్రం చెపుతుంది , ఎవరన్న కళ్ళతో భూమి గుండ్రంగా ఉండడం చూసామా ..? రాకెట్ల లో ఆకాశం పైకి వెళితే భూమి గుండ్రని ఆకారంలో ఉన్నతు తెలుస్తుంది . కళ్ళకెదురుగా , కాలికింద ఉన్న భూమి స్వరూపం తెలుసుకోవడానికే అంత ఎత్తుకి పోవాల్సి వచినపుడు , మనం దైవాన్ని దర్శించడానికి ఎంత ఎత్తుకి ఎదగాలి ..?? ఎంత నిష్టగా ప్రయత్నించాలి . 

నానా  : చేతనకు, చైతన్యానికి బేధం ఏమిటి ...??

బాబా : నిజమైన జ్ఞానం చేతన , అజ్ఞానానికి కదలిక ఏర్పడితే అది చైతన్యం . 

నానా  : ధర్మం అంటే ..??

బాబా : ధర్మానికి చాలా అర్ధాలు . వస్తు ధర్మాలు , కాల ధర్మాలు , జాతి ధర్మాలు , యుగ ధర్మాలు, దేహ ధర్మాలు , ధర్మాలు ఎప్పటికప్పుడు మారుతూ ఉంటాయి . ఎన్నాళ్లయినా , ఎన్నేళ్ళయినా  మారనిది ' సనాతన ధర్మం '. ఆ సనాతన ధర్మాచరణే  అందరికి నిత్యాచరణ కావాలి . అదే ఈ సాయి బోధన . 
ఆ మాటలకు భక్తులంతా పరవశులయ్యారు . కరతాలద్వానులతో  ద్వారకామాయి మారు మ్రోగింది , నానవలి మాత్రం  పట్టించుకోకుండా .. 

నానా : మానవజన్మ  ఎందుకోసం ..???

బాబా : మానవ సేవ కోసం , పరోపకారం కోసం, గురుసేవ కోసం .....

నానా  : గురుత్రయం అంటే ..???

బాబా : ఆది గురువు, పరమ గురువు , సద్గురువు . 

నానా  : సముద్రంకన్నా లోతు అయినది ...??

బాబా : ధర్మం 

నానా : ఆకాశంకన్న  ఎత్తు అయినది ..??

బాబా : ఆత్మ జ్ఞానం . 

నానా : మనసుకన్న వేగం అయినది ..??

బాబా : ఆలోచన 

నానా : చీకటికన్న నలుపైనది ..???

బాబా : ద్వేషం . 

నానా : సుర్యునికన్న తీక్షనమైనది ..??

బాబా : అసూయ . 

నానా : కష్టాలకు కారణం ..???

బాబా : కోరికలు 

నానా : దైవ భక్తికి మూలం ..??

బాబా : ' శ్రద్ధా ' పరిపూర్ణమైన నమ్మకం ... 

నానా : ఏదైనా సాదించాలంటే కావలసింది ..???

బాబా : ' సబూరి ' సహనం 

నానా : కుబుసంలా త్యజించాల్సింది ..???

బాబా : అహంకారం . 
సాయి ప్రశాంత సమాధానంతో నానావళి  ముఖంలో ప్రసన్నత ఆవహించింది . బాబా చెంతకు వచ్చి రెండు చేతులు జోడించి నమస్కరించాడు . 

నానా : భేష్ బాబా !.యోగులలో యోగివి నువ్వు , వేదమంత్రాలు మర్మం తెలిసిన మహా పురుషుడివి . అన్నీ తెలిసినవాడివి ఐన తామరాకు  మీద నీటి బొట్టులా  ఉన్నవో లేదో చూద్దామని వచ్చానుఅని నమస్కరించి వెల్లాడు 

 You may  also like his : వేములవాడ రాజరాజేశ్వర స్వామి 

అందరి ముఖాల్లో ఎన్నో సరికొత్త విషయాలు తెలుసుకున్న ఆనందం . బాబా లోని యోగితత్వం తెలుసుకున్న సంబ్రమం . బాబా నిర్వికారంగా ఏమి పట్టనట్టు తనలో తను లెక్కలు వేస్తూ కూర్చున్నాడు . 

ఓం సచ్చిదానంద సమర్ధ సద్గురు మహారాజ్ కి జై.

Share on Google Plus

About Bakthi Today

This is a short description in the author block about the author. You edit it by entering text in the "Biographical Info" field in the user admin panel.